Blog Archive: គ្រឿងផ្សំ

អំបិល

អំបិល

​​អំបិល​ពុំមែន​គ្រាន់តែ​ជា​គ្រឿងទេស​មួយ​ប៉ុណ្ណោះ​ទេ វា​ថែមទាំង​នៅ​មាន​ប្រយោជន៍​យ៉ាងច្រើន​ផ្សេងទៀត ដែល​អ្នក​អាច​មិនដឹង ។​

១.​វា​ធ្វើ​ឲ្យ​ឆាប់​ត្រជាក់​

ពេល​ក្លាស្សេ​របស់​អ្វីមួយ អ្នក​គ្រាន់តែ​បន្ថែម​អំបិល​បន្តិច​ទៅក្នុង​ធុង​ទឹកកក នោះ​វា​ធ្វើឲ្យ​របស់​ក្លាស្សេ​ត្រជាក់ លឿន​ជាង​ធម្មតា​ទ្វេដង ។​

២.​សំអាត​ឆ្នាំងអ៊ុត​

ដើម្បី​កម្ចាត់​ចោល​ស្នាម​ប្រឡាក់​ជាប់​នៅ​បាតឆ្នាំង​អ៊ុន នោះ​ដំបូង​អ្នក​យក​ក្រដាស​មក​ក្រាល​លើ​ផ្ទៃ​រាបស្មើ បើ​កុងតាក់​ឲ្យ​ឆ្នាំងអ៊ុត​ក្តៅ​ខ្លាំង​បំផុត រួច​យក​ទៅ​អ៊ុត​ពីលើ​ក្រដាស​ស្តើង​ដែល​មាន​រោយ​អំបិល​ម៉ត់ វា​នឹង​ស្អាត​ដូចដើម​វិញ ។​

៣.​កម្ចាត់​ក្លិនឆ្អាប

​ក្លិន​ឆួល​របស់​ខ្ទឹម​ដែល​ជាប់​ដៃ ក្រោយ​ពេល​អ្នក​ហាន់​ឬ​បក​ខ្ទឹម ឬ​ក្រោយ​ពេល​ធ្វើ​ត្រី​វា​នឹង​បន្សល់​ក្លិនឆ្អាប​ពិបាក​នឹង​លុបបំបាត់ ។ ដើម្បី​ដោះស្រាយ​ឲ្យបាន​លឿន ដំបូង​អ្នក​គ្រាន់តែ​ធ្វើឲ្យ​ដៃ​សើម​រួចយក​អំបិល​មក​ត្រដុស​ចុះឡើងៗ​មួយសន្ទុះ រួច​សឹម​លាង​ទឹក​នោះ​នឹង​បាត់​ក្លិនឆ្អាប​។​

៤.​បណ្តេញ​ស្រមោច​

ដើម្បី​បណ្តេញ​ស្រមោច អ្នក​យក​ទឹក​៤​ចំណែក អំបិល​មួយចំណែក លាយ​ចូលគ្នា រួច​បាញ់​ចូល​ចំ​កន្លែង​ដែល​មាន​ស្រមោច ។ តាម​ផ្លូវ​ដើរ​របស់​ស្រមោច អ្នក​អាច​យក​អំបិល​គ្រាប់​ទៅ​រាយ​បន្តិចៗ​នោះ​វា​នឹង​ចាកចេញ​ចោល​បាត់ ។​

៥.​បំបាត់​ការស្ទះ​បង្គន់

​យក​ទឹកអំបិល​១/៤ លាយ​ជាមួយ Baking soda ១/៤ រួច​ចាក់​ចូលទៅ​ក្នុង​បង្គន់ ឬ​ចាក់​ចូល​កន្លែង​លាងចាន ។ ជំហាន​បន្ទាប់​អ្នក​ចាក់​បន្ថែម​ទឹកខ្មេះ ១/២ រួច​រង់ចាំ ១៥​នាទី ចាំ​ចាក់ទឹក​សំអាត ។ អ្នកនឹង​ឃើញ​លទ្ធផល​គាប់ចិត្ត​មិន​ខាន ។​

៦.​សំអាត​ឡា​បូ​

អ្នក​ប្រើ​សារធាតុ​ចម្រុះ​រវាង​ក្រូចឆ្មារ​នឹង​អំបិល​ឲ្យ​ខា​ប់ យក​វា​មក​ជូត​សម្អាត​នឹង​ដឹងថា ប្រសិទ្ធភាព​របស់​វា​ល្អ​ជាង​បណ្តា​ប្រភេទ​ទឹក​លាង​សម្អាត​ច្រើនណាស់ ។​

៧.​សម្អាត​ស្នាម​ស្នឹម​ជាប់​នឹង​កែវ

​អ្នក​យក​អំបិល​លាយ​ជាមួយ​ទឹក​បន្តិច ហើយ​បន្ថែម​ទឹកកក បី​បួន​ដុំ​យក​វា​ដាក់​ក្នុង​កែវ ហើយ​ក្រឡុក ស្នាម​ប្រឡាក់​ទាំងនោះ​ត្រូវបាន​សម្អាត​។​

៨.​លាង​សម្អាត​បន្លែ​

យក​ទឹក​លាយ​ជាមួយ​អំបិល​រួច​យក​បន្លែ​ផ្លែឈើ​ទាំងនោះ​មក​ត្រាំ ហើយ​ទុក​វា ១៥​នាទី ចាំ​យក​វា​មក​លាង​សំអាត បរិភោគ ឬ​កែច្នៃ​ជា​អាហារ ។​

៩.​រក្សា​ផ្កា​ឲ្យនៅ​ស្រស់​បានយូរ​

​មុន​ពេល​អ្នក​យក​ផ្កា​ទៅ​ដាក់​ក្នុង​ថូ គប្បី​យក​អំបិល​បន្តិច​យកមក​ដាក់​ចូល​ក្នុង​ថូ​នោះ​វា​នឹង​ធ្វើឲ្យ​ផ្កា​នៅ​ស្រស់​បានយូរ ។​

 

ស្ករស

ស្ករស

គ្រាន់តែឃើញស្ករសភ្លាម មានមនុស្សមួយចំនួនអាចគិតថាវាមានគុណវិបត្តិ ច្រើនជាងគុណសម្បត្តិ។ ឯអ្នកខ្លះក៏គិតដល់ថា វាអាចបង្កឱ្យមានជំងឺធាត់ ជំងឺទឹកនោមផ្អែម និងដង្កូវស៊ីធ្មេញជាដើម។ ប៉ុន្តែទោះបីជាយ៉ាងនេះក្តីក៏ស្ករស នៅតែជាគ្រឿងផ្សំម្យ៉ាង ដែលជួយបង្កើននូវរសជាតិអាហារ ប្រចាំថ្ងៃរបស់យើង មិនអាចខ្វះបាន។ ក្នុងនោះប្រភេទស្ករ ដែលនៅក្នុងប្រទេសយើង និយមយកមកបរិភោគជាប្រចាំមាន ៣យ៉ាងនេះគឺ៖

១. ស្ករក្រហម៖ ត្រូវបានបង្កើតឡើងពីស្ករអំពៅ ឬទឹកត្នោត ដោយបានកែច្នៃទៅ ជាផែន ឬជាដុំតូចៗ ដោយប្រើវិធីធម្មជាតិ។ វាអាចមានពណ៌ក្រហមក្រម៉ៅ លឿង ឬទឹកក្រូច និងមានសាច់ស្អិត។ ដូច្នេះស្ករត្នោត ឬស្ករអំពៅមានតម្លៃអាហាររូបត្ថម្ភ វីតាមីន ជាតិកាល់ស្យូម និងផូស្វ័រ យ៉ាងពេញលេញសម្រាប់សុខភាពរបស់មនុស្ស។

២. ស្ករស៖ មានប្រភពមកពីស្ករក្រហម ដែលបានផលិតកែច្នៃតាមបច្ចេកទេសថ្មី ដោយត្រូវបានគេយកធ្វើឱ្យមានគ្រាប់តូចល្អិតៗ និងធ្វើឱ្យមានពណ៌ស ស្អាតគួរឱ្យចង់ទទួលទាន ហើយស្ករក្រហម និងស្ករស ផ្តល់ថាមពលស្មើគ្នា ដោយក្នុង១ស្លាបព្រា កាហ្វេ ស្មើនឹងថាមពល១៥គីឡូកាល់ឡូរី។ ប៉ុន្តែបើប្រៀបធៀបផលប៉ះពាល់ជាមួយស្ករក្រហម សារធាតុនៅក្នុងស្ករស មិនសូវល្អដូចជាស្ករក្រហមទេ ព្រោះស្ករក្រហម បានឆ្លងការផលិតភាគច្រើន តាមបែបធម្មជាតិច្រើនជាងស្ករស។

៣. ស្ករសិប្បនិម្មិត៖ ជាប្រភេទស្ករដែលគេយកមកប្រើ ដើម្បីបន្ថែមជាតិផ្អែមនៅក្នុង អាហារ និងភេសជ្ជៈមួយចំនួន។ វាបានមកពីការសំយោគនៃដំណើរការ វិទ្យាសាស្រ្តមួយ ដែលបានផ្តល់ជាតិផ្អែមជំនួសជាតិស្ករ ទូទៅបានដល់២០០ដង ប៉ុន្តែវាផ្តល់ថាមពលតិចបំផុត។

៥ អត្ថប្រយោជន៍របស់ស្ករស ដែលអ្នកប្រហែលជាមិនធ្លាប់បានដឹង៖

១. កាត់បន្ថយភាពតានតឹង៖ ប្រាកដណាស់ អ្នកពិតជាធ្លាប់បានឮពាក្យមួយឃ្លាថា «បើតានតឹងឱ្យទៅរកអ្វីផ្អែមៗ ឬបង្អែមមកទទួលទាន»។ក្នុងនោះ ស្ករគឺជា សារធាតុម្យ៉ាងដែលជួយផ្តល់ ថាមពលមួយប្រភេទ ដែលនៅពេលបរិភោគចូលទៅ នឹងជួយឱ្យខួរក្បាលអាចបង្កើតភាពស្រស់ថ្លា កាត់បន្ថយភាពតានតឹងផងដែរ។

២. អាចប្រើធ្វើជា Scrub បន្ថែមជាតិសំណើមដល់បបូរមាត់៖ វាជាវត្ថុធាតុដើម ចម្បងម្យ៉ាង ដែលមានប្រយោជន៍ សម្រាប់យកទៅលាយជាមួយទឹកឃ្មុំ ដែលត្រូវបានគេទទួលស្គាល់ថា ជារូបមន្តពិសេសក្នុង ការការពារបបបូរមាត់។ វាជួយឱ្យបបូរមាត់របស់អ្នកមានសភាពទន់រលោង និងកាត់បន្ថយស្នាមប្រេះ រង្វង់មាត់ខ្មៅជាដើម។ ក្រៅពីនេះវាក៏អាចយកមក ខាត់នៅលើស្បែកក្លៀក ឬកែងជើងផងដែរ ដែលនឹងជួយជម្រុះស្នាមខ្មៅបានយ៉ាងល្អ។

៣. ជួយរក្សាគុណភាពអាហារឱ្យទុកបានយូរ៖ ស្ករជាធាតុផ្សំយ៉ាងសំខាន់របស់អាហារ ដែលត្រូវបានទទួលការពេញនិយម ពីសំណាក់មនុស្សគ្រប់សម័យ។ ភាគច្រើនគេបានប្រើវា សម្រាប់ធ្វើឱ្យអាហារមានរសជាតិផ្អែម និងអាចរក្សាទុក បានយូរទៀតផង ដោយធ្វើគ្រាន់តែដាំស្ករលាយជាមួយទឹក ហើយនាំយកទៅ ប្រឡាក់ជាមួយផ្លែចេក ឬត្រាវ ធ្វើជាចេកឆាប ឬត្រាវឆាបក៏បាន ដូចនេះក៏អាចទុក បានយូរទៅហើយ។ លើសពីនេះទៀតស្ករត្រូវបានគេប្រើ ជាវត្ថុស្រូបសំណើម ដូចជាការវេចខ្ចប់នំខូគីដាក់ក្នុងប្រអប់ជាដើម គឺគេត្រូវរោយស្ករសចូលជាមុនសិន ទើបដាក់នំចូលជាក្រោយ ដើម្បីរក្សាឱ្យនំនៅស្រស់ល្អ។

៤. ជាសារធាតុដ៏មានសារៈសំខាន់ក្នុងរាងកាយ៖ ស្ករមានសារៈសំខាន់បំផុតនៅក្នុងជីវិត របស់មនុស្ស ព្រោះនៅក្នុងដំណើរការនៃការរំលាយអាហារ ឬបញ្ចេញកាកសំណល់ ស្ទើរតែទាំងអស់ពឹងផ្អែក លើថាមពលដែលបានមកពីជាតិស្ករ។ ក្រៅពីនេះទៀត ទឹកដោះម្តាយ ដែលត្រូវបានផលិតឡើងសម្រាប់ទារក ទើបនឹងកើតថ្មីៗ វាក៏មានផ្ទុកជាតិ lactose ដែលជាទម្រង់ជាតិស្ករថ្មីមួយទៀត ជំនួយរាងកាយទារកផងដែរ។

៥. ជួយរំញោចជាលិកាក្នុងរាងកាយ៖ សរីរាង្គ និងជាលិកានៅក្នុងរាងកាយទាំងអស់ សុទ្ធតែត្រូវការថាមពលមកពី ជាតិស្ករទៅថែបំប៉ន ឯខួរក្បាលក៏ត្រូវការជាតិស្ករ ប្រមាណពី ១១០-១៣០ក្រាមក្នុងមួយថ្ងៃ ដើម្បីទ្រទ្រង់កោសិកាឈាមក្រហម។ ប្រសិនបើខ្វះជាតិស្ករ នឹងបណ្តាលឱ្យរាងកាយ ពិសេសតម្រងនោម នឹងដំណើរការខុសប្រក្រតី អាចបង្កការវិលមុខ ឬដួលសន្លប់ជាដើម។

ដូច្នេះ គួរទទួលទានជាតិស្ករឱ្យបានសមរម្យ ដោយក្នុងមួយថ្ងៃប្រមាណជា ៤ស្លាបព្រាកាហ្វេ ឬ ២០ក្រាម និងធ្វើលំហាត់ប្រាណឱ្យបានទៀងទាត់ផងដែរ៕

ខ្ទឹមស

ខ្ទឹមស

១-​ខ្ទឹមស​ប្រយុទ្ធ​ប្រឆាំង​នឹង​ជំងឺ​ជា​ច្រើន​ប្រភេទ
ខ្ទឹមស​ត្រូវ​បាន​គេ​ទទួលស្គាល់​ថា គឺជា​ថ្នាំ​ជម្រុញ​មុខងារ​នៃ​ប្រព័ន្ធ​ភាពស៊ាំ ។ ការ​សិក្សា​ដ៏​ធំ​មួយ​រយៈពេល​១២​ស​ប្តា​ហ៍​បាន​រក​ឃើញ​ថា ការ​ទទួលទាន​ថ្នាំ​ដែល​មាន​សារជាតិ​ខ្ទឹមស​ជា​រៀងរាល់ថ្ងៃ​អាច​កាត់​បន្ថយ​ប្រភេទ​នៃ​ជំងឺ​ផ្តាសាយ​បាន​ជាង ៦៣% បើ​ធៀប​នឹង​ថ្នាំ​ផ្លា​ស៊ី​បូ​។ រយៈពេល​ជា​មធ្យម​នៃ​រោគ​សញ្ញា​ផ្តាសាយ​ក៏​មានការ​កាត់​បន្ថយ​ផង​ដែរ​ពី ៧០% ក្នុង​រយៈពេល ៥ ថ្ងៃ​នៃ​ការ​ប្រើ​ថ្នាំ​ផ្លា​ស៊ី​បូ ទៅ ១,៥​ថ្ងៃ​សម្រាប់​ថ្នាំ​ដែល​មាន​ជាតិ​ខ្ទឹមស​នេះ​។ ការ​សិក្សា​មួយទៀត​បាន​រក​ឃើញ​ថា ការ​ទទួលទាន​ខ្ទឹមស​ក្នុង​កម្រិត​ខ្ពស់ (២,៥៦​ក្រាម​ក្នុង​មួយ​ថ្ងៃ​) អាច​កាត់​បន្ថយ​ចំនួន​ថ្ងៃ​នៃ​អ្នក​កើត​ជំងឺ​ផ្តាសាយ​ប្រហែល ៦១% ។ ប្រសិនបើជា​ញឹកញាប់​អ្នកមាន​ជំងឺ​ផ្តាសាយ អ្នក​គួរតែ​បន្ថែម​ខ្ទឹមស​ទៅ​ក្នុង​របប​អាហារ​របស់​អ្នក​ឲ្យ​បាន​ច្រើន ព្រោះ​វា​នឹង​ផ្តល់​អត្ថប្រយោជន៍​មិន​គួរ​ឱ្យ​ជឿ ។

៤-​ខ្ទឹមស​ផ្ទុក​សារជាតិ​ប្រឆាំង​អុកស៊ីតកម្ម​ដែល​អាច​ជួយ​ការពារ​ជំងឺ​ភ្លេចភ្លាំង
ការ​បំផ្លាញ​ដោយ​អុកស៊ីតកម្ម​ពី​រ៉ា​ឌី​កាល់​សេ​៊​រី​បាន​ចូលរួម​ចំណែក​ដល់​ដំណើរកា​រវិ​វ​ឌ្ឍ​ទៅ​រក​ភាព​ចាស់ ។ ប៉ុន្តែ​ខ្ទឹមស​ផ្ទុក​សារធាតុ​ប្រឆាំង​អុកស៊ីតកម្ម​ដែល​ជួយ​ទ្រទ្រង់​ដល់​យន្តការ​ការពារ​រាង​កាយ​ប្រឆាំង​នឹង​ការ​បំផ្លាញ​ដោយ​អុកស៊ីតកម្ម​។ ការ​ទទួលទាន​ខ្ទឹមស​ក្នុង​កម្រិត​ខ្ពស់ ត្រូវ​បាន​គេ​បង្ហាញ​ថា វា​ជួយ​បង្កើន​សារធាតុ​ប្រឆាំង​អុកស៊ីតកម្ម​សម្រាប់​​មនុស្ស​ព្រមទាំង​កាត់​បន្ថយ​ភាព​តានតឹង​អុកស៊ីតកម្ម​សម្រាប់​អ្នក​ដែល​មាន​សម្ពាធ​ឈាម​ខ្ពស់ ។ ឥទ្ធិពល​រួម​បញ្ចូល​គ្នា​ក្នុង​ការ​កាត់​បន្ថយ​កូ​ឡេ​ស្តេ​រ៉ូ​ល​និង​សម្ពាធ​ឈាម ក៏​ដូច​ជា​លក្ខណៈសម្បត្តិ​ប្រឆាំង​អុកស៊ីតកម្ម​ធ្វើ​ឲ្យ​ខ្ទឹម​សមាន​សមត្ថភាព​ក្នុង​ការ​ជួយ​ការពារ​ជំងឺសរសៃប្រសាទ​ដូច​ជា​ជំងឺ​ភ្លេចភ្លាំង និង​ជំងឺ​វង្វេង ។

៥-​ការ​បរិភោគ​ខ្ទឹមស​អាច​ជួយ​បន្សាប​ជាតិពុល​នៅ​ក្នុង​រាង​កាយ
សមាសធាតុ​ស្ពាន់ធ័រ​ក្នុង​កម្រិត​ខ្ពស់​ដែល​មាន​ក្នុង​ខ្ទឹមស​ត្រូវ​បាន​គេ​បង្ហាញ​ថា អាច​ការពារ​ប្រឆាំង​នឹង​ការ​ខូចខាត​សរីរាង្គ​ពី​ការ​ពុល​ជាតិ​លោហៈ​ធ្ងន់ ។ ការ​សិក្សា​រយៈពេល​បួន​ស​ប្តា​ហ៍​ទៅ​លើ​បុគ្គលិក​រោងចក្រ​ផលិត​អា​គុយ​រថយន្ត (​ការ​ប៉ះពាល់​ច្រើន​នឹង​កាបូន​) បាន​រក​ឃើញ​ថា ខ្ទឹមស​កាត់​បន្ថយ​កម្រិត​ជាតិពុល​នៅ​ក្នុង​ឈាម​បាន​ដល់​ទៅ ១៩% ។ វា​ក៏​កាត់​បន្ថយ​រោគ​សញ្ញា​នៃ​ការ​ពុល​ជា​ច្រើន​រួម​ទាំង​ការ​ឈឺក្បាល​និង​សម្ពាធ​ឈាម​ចុះ​ខ្សោយ ។

៦-​ខ្ទឹមស​អាច​ធ្វើ​ឱ្យ​ប្រសើរ​ឡើង​នូវ​សុខភាព​ឆ្អឹង
ទោះបីជា​គ្មាន​ការ​សិក្សា​លើ​មនុស្ស​ពី​ឥទ្ធិពល​នៃ​ខ្ទឹមស​ទៅ​លើ​ការ​ពុក​ឆ្អឹង ប៉ុន្តែ​ការ​សិក្សា​លើ​សត្វ​កណ្តុរ​បាន​បង្ហាញ​ថា វា​អាច​កាត់​បន្ថយ​ការ​ពុក​ឆ្អឹង​ដោយ​បង្កើន​អ៊័​រ​ម៉ូ​ន​អឺ​ស្ត្រូ​សែន​ចំពោះ​ស្ត្រី​។

ការ​ស្រាវជ្រាវ​មួយ​បាន​សិក្សា​លើ​ស្ត្រី​អស់​រដូវ​និង​បាន​រក​ឃើញ​ថា កម្រិត​នៃ​ការ​ទទួលទាន​ខ្ទឹមស​ស្ងួត​ប្រចាំ​ថ្ងៃ (​ស្មើនឹង ២ ក្រាម​នៃ​ខ្ទឹមស​ស្រស់​) ធ្វើ​ឲ្យ​មានការ​ថយ​ចុះ​រោគ​សញ្ញា​កង្វះ​អ៊័​រ​ម៉ូ​ន​អឺ​ស្ត្រូ​សែន ។ វា​បង្ហាញ​ថា​ខ្ទឹម​សមាន​ផលប្រយោជន៍​សម្រាប់​សុខភាព​ឆ្អឹង​មនុស្ស​ស្រី​។ អាហារ​ដូច​ជា​ខ្ទឹមស និង​ខ្ទឹមបារាំង​ត្រូវ​បាន​គេ​បង្ហាញ​ថា មាន​ឥទ្ធិពល​លើ​ជំងឺ​រលាក​សន្លាក់ឆ្អឹង​ផង​ដែរ ៕

ទឹកត្រី

ទឺកត្រី

១. សេចក្តី​ផ្តើម​

សកម្មភាព​នៃ​ការកែច្នៃ​ផល​ជលផល​បានផ្តល់ ​នូវ​សារៈសំខាន់​ដល់​សេដ្ឋកិច្ចសង្គម និង​សន្តិសុខ​ស្បៀង​សម្រាប់​ជីវភាព​រស់នៅ​របស់​ប្រជាជន​កម្ពុជា ។ ដើម្បី​ថែរក្សា​នូវ​ផលប្រយោជន៍​ទាំងនេះ តម្រូវ​ឲ្យ​ការកែច្នៃ​ជលផល​មាន​លក្ខណៈ​ទូលំទូលាយ ​ព្រមទាំង​គោរព​ទៅតាម​បទដ្ឋាន​បច្ចេកទេស និង​អនាម័យ​ដើម្បី​ឲ្យ​ការផលិត​ប្រកបដោយ​ប្រសិទ្ធភាព និង​ផលិតផល​មានគុណ​ភាពល្អ ដើម្បី​ធានា​ការប្រើប្រាស់​ប្រកបដោយ​សុ​វត្តិភាព​សម្រាប់​អ្នកប្រើប្រាស់ ។ នាពេល​បច្ចុប្បន្ននេះ សកម្មភាព​ផ្នែក​កែច្នៃ​ជលផល​បាន​ នឹង​កំពុង​តែមាន​សកម្មភាព​ផុលផុស​ក្នុងការ​ផ្គត់ផ្គង់​តាម​តម្រូវការ​ ក្នុងស្រុក ព្រមទាំង​ជំរុញ​ការនាំចេញ​ទៅកាន់​ទីផ្សារ​អ​ន្តរជាតិ​ផងដែរ ។

ប្រជាជន​កម្ពុជា​បាន​អនុវត្ត​បច្ចេកទេស​កែច្នៃ ផល​ជលផល​ផ្សេងៗ ដូចជា​ការកែច្នៃ​ជា​ត្រីងៀត ត្រីប្រឡាក់ ត្រីឆ្អើរ ទឹកត្រី ប្រហុក​ផ្អក ម៉ាំ ៘​

​​ទឹកត្រី​គឺជា​ផល​ផលិតផល​ជលផល​មួយ​ ប្រភេទ ដែល​ប្រជាជន​កម្ពុជា​រួមទាំង​ប្រជាជាតិ​អាស៊ី​មួយចំនួនទៀត​បាន​និយម​ ប្រើប្រាស់​ជា​អាហារ​ប្រចាំថ្ងៃ ជាពិសេស​ក្នុង​ការដាំ​ស្ល ហើយ​ម្យ៉ាងទៀត​បច្ចេកទេស​កែច្នៃ​ទឹកត្រី​មាន​លក្ខណៈសាមញ្ញ​ងាយ ដែល​អាច​ឲ្យ​ប្រជាពលរដ្ឋ​ទូទៅ​អាច​ផលិត​ដោយ​ខ្លួនឯង និង​មាន​អ្នក​សិប្បកម្ម​មួយចំនួន​បានជ្រើសរើស​បច្ចេកទេស​នេះ​ជា​អាជីវកម្ម ដែល​អាច​រកប្រាក់​ចំណូល​បាន​ច្រើន​ទៀតផង ។​

​បច្ចេកទេស​ផលិត​ទឹកត្រី​តូ្រវ​បាន​អនុ​ វត្តមាន​លក្ខណៈខុស​គ្នា​ទៅតាម​តំបន់ និង​ទំហំ​ខ្នា​ត​ផលិត​ដែល​រួមមាន​បច្ចេកទេស​កែច្នៃ​សំខាន់ៗ ២​យ៉ាង ​គឺ​តាមរបៀប​ប្រព័ន្ធ​ចម្រោះ (Hydro-lysis) និង​ប្រព័ន្ធ​ស្ងោ​រំងាស់ (Boilling) ។ ប្រព័ន្ធ​ចម្រោះ​ភាគច្រើន​អនុវត្ត​ដោយ​អ្នក​ផលិត​ទ្រង់ទ្រាយ​មធ្យម ឯ​ប្រព័ន្ធ​ស្ងោ​រំងាស់​ភាគច្រើន​អនុវត្ត​ដោយ​អ្នក​ផលិត​ទ្រង់ទ្រាយ​តូច ឬ​ជា​លក្ខណៈ​គ្រួសារ ។ នៅក្នុង​អត្ថបទ​បច្ចេកទេស​នេះ​នាយកដ្ឋាន​បច្ចេកវិទ្យា​កែច្នៃ និង​គុណភាព​នៃ​រដ្ឋបាល​ជលផល សូម​លើក​បច្ចេកទេស​ផលិត​ទឹកត្រី​លក្ខណៈ​ សិប្បកម្ម​មក​បរិយាយ​នៅទីនេះ ដើម្បី​ផ្តល់​ជា​ឯកសារ​ជំនួយ​បច្ចេកទេស​សម្រាប់​បង្កើន​ការយល់ដឹង​របស់​អ្នក ​កែច្នៃ និង​ពាក់ព័ន្ធ​នានា ។​
២.បចេ្ចកទេសកែច្នៃទឹកត្រី

​ក​. ដ្យា​ក្រាម​លំហូរ​ស្តីពី​ខ្សែសង្វាក់​ផលិត​ទឹកត្រី​

​ខ​. សម្ភារៈ និង​ការរៀបចំ​ទីតាំង​

ទី​កនែ្លង​ដែល​សម្រាប់​ផលិត​ទឹកត្រី ត្រូវ​រៀបចំ​យ៉ាង​មាន​សណ្តាប់ធ្នាប់ និង​គោរព​តាម​បទដ្ឋាន​អនាម័យ ​ដោយមាន​សាងសង់​ជាឃ្លាំង និង​បែង​ចែកជា​កន្លែង​សម្រាប់​អាង​ស្តុក​ត្រី បន្ទប់ ឬ​ឃ្លាំង​ដាក់​សម្ភារៈ វត្ថុធាតុដើម និង​ផលិតផល​សម្រេច ព្រមទាំង​រៀបចំ​ប្រព័ន្ធ​អគ្គិសនីសម្រាប់​ប្រើប្រាស់​ប្រកបដោយ​លក្ខណៈ​ បច្ចេកទេស ។ ចំពោះ​សម្ភារៈ​សម្រាប់​ផលិត​ទឹកត្រី​រួមមាន​: អាង ឬ​ធុង​ផ្អាប់ និង​ស្តុក​ទឹកត្រី ធ្វើ​ពី​ជ័រឈើ ឬ​ស៊ីម៉ង់ត៍ ដែលមាន​ទំហំ​តាម​តម្រូវការ​អ្នក​ផលិត ឈើ ឬ​ ឫស្សី​សម្រាប់​ខ្ទាស់​សង្កត់ បន្ទះ​កន្ទេល ​ដប​សម្រាប់​ដាក់​ផលិតផលសម្រេច​ ដែលមាន​បិទ​ស្លាក​សញ្ញា​ពាណិជ​កម្ម និង​រាន​សម្រាប់​ហាល​ទឹកត្រី​ជាដើម ។ ការរៀបចំ​លាង​សម្អាត​ធុង និង​ឧបករណ៍​ចម្រោះ​គឺ​វា​មានសារៈសំខាន់​បំផុត​ សម្រាប់​ដំណាក់កាល​ទីមួយ ​នៃ​ការកែច្នៃ​ទឹកត្រី ។ ត្រូវ​ពិនិត្យ​រាល់​ធុង​ទាំងអស់ គឺ​មិនត្រូវ​ឲ្យ​មានការ​បែកបាក់ ឬ​ស្នាម​ប្រេះ​ទេ ព្រោះថា​វា​អាចធ្វើ​ឲ្យ​ទឹកត្រី​កំពប់​ជ្រាបចូល​ទៅក្នុង​ដី ។ ការរៀបចំ​ប្រព័ន្ធ​ចម្រោះ​គឺ មាន​លក្ខណៈផ្សេងៗ​គ្នា​ពី​អាង​មួយ​ទៅ​អាង​មួយ ចំពោះ​រោងចក្រ​មួយចំនួន​ការដាក់​ប្រព័ន្ធ​ចម្រោះ​ផ្តេក​នៅ​បាត​ក្រោម​ធុង និង​កន្លែង​ផ្សេងទៀត​ដាក់​ចម្រោះ​ត្រង់​នៅ​ផ្ទៃ​ខាងលើ​នៃ​ធុង ។ អ្នកកែច្នៃ​ខ្លះ​បាន​ប្រើ​បំពង់​ឫស្សី ឬ​ទុយោ​ជ័រ ​ធ្វើជា​ឧបករណ៍​ចម្រោះ​បំណែក​នៃ​ធុង ឬ​ដុំថ្ម​តំរៀប ដើម្បី​ធ្វើជា​ចម្រោះ ។ ការធ្វើ​បែបនេះ​គឺ​ធ្វើ​ដើម្បី​ឲ្យទឹកត្រី​ថ្លា​ល្អ ។​

៣. វត្ថុធាតុដើម

ត្រី​: ត្រី​គ្រប់​ប្រភេទ​អាច​ធ្វើជា​វត្ថុធាតុដើម​សម្រាប់​ការផលិត​ទឹកត្រី​បាន ប៉ុន្តែ​ជាទូទៅ​អ្នក​កែច្នៃ​បានជ្រើសរើស​យក​ត្រី​ដែលមាន​ត​ម្លៃថោក ​មក​ផលិត​ទឹកត្រី ។ ចំពោះ​ប្រភេទ​ត្រី​សម្រាប់ធ្វើ​ការកែច្នៃ​ទឹកត្រី​មាន​:

​ប្រភេទ​ត្រី​ទឹកសាប​: ត្រី​លេញ ត្រី​រៀល ត្រី​ក្រឡង់ ត្រី​អាចម៍កុក ត្រី​ចន្ទាស​ភ្លុក ត្រី​កំភ្លាញ ត្រី​កញ្ចាញ់ច្រាស់ ត្រី​កញ្ចុះ ៘​
​ប្រភេទ​ត្រី​សមុទ្រ​ដែល​ប្រើប្រាស់​ សម្រាប់​ផលិត​ទឹកត្រី​មាន​: ត្រី​កា​កឹម ត្រី​កា​ម៉ុង ត្រី​ចាប​ហ៊ឺ ត្រី​ត្រសក់ ត្រី​កញ្ចុះ ត្រី​កញ្ចាញ់ច្រាស ៘​
​​គុណភាព​ត្រី​ចាំបាច់​ត្រូវ​នៅ​ស្រស់​ ល្អ ។ ការដឹកជញ្ជូន​ដោយ​យានយន្ត កាណូត ឬ​មធ្យោបាយ​ផ្សេងទៀត ត្រូវ​រៀបចំ​ឲ្យ​បានល្អ ដើម្បី​រក្សា​គុណភាព​ត្រី និង​គោរព​តាម​បទដ្ឋាន​អនាម័យ ។​

​អំបិល​: អំបិល​ដែល​យកមកប្រើ​ក្នុង​ការផលិត​ទឹកត្រី គឺជា​អំបិល​មាន​អនាម័យ​ល្អ ដែល​ពុំមាន​កំទេចកំទី​លាយ​លំ​ជាមួយ ។ ជា​ជម្រើស​មួយ​ល្អ គឺអាច​ប្រើប្រាស់​អំបិលអ៊ីយ៉ូដ ដើម្បី​ជួយ​បង្កើត​ជីជាតិ​អ៊ីយ៉ូដដល់​អ្នកប្រើប្រាស់ ។​

​គ្រឿង​បង្កើន​រសជាតិ​: ជាទូទៅ​អ្នក​កែច្នៃ​ប្រើប្រាស់​គ្រឿងទេស​មួយចំនួន​ សម្រាប់​បង្កើន​រសជាតិ​ដូចជា ប៊ីចេង (MSG) ស្ករ​កំលោច (Caramel) និង​គ្រឿង​បង្កើន​ក្លិន​ឈ្ងុយ​ដូចជា​ខ្ទឹមស រំដេង​ជាដើម ៘

៤. វិធីសាស្ត្រ​ផលិត​ទឹកត្រី​

៤.១ ការ​ប្រឡាក់​អំបិល​ ​ចាក់​ត្រី​ចូលក្នុង​អាង ឬ ធុង (​អាង និង​ធុង​ត្រូវ​ស្អាត​) គេ​ប្រឡាក់​អំបិល​ត្រី​ក្នុង​អត្រា​ពី ៣០-៤០ ភាគរយ លាយ​ឲ្យ​សព្វ​ល្អ និង​គ្រប់គ្រាន់​ដោយ​ត្រូវ​ប្រុងប្រយ័ត្ន ប្រសិនបើ​ប្រឡាក់​អំបិល​មិន​គ្រប់គ្រាន់​ទេ វា​នឹងធ្វើ​ឲ្យ​ទឹកត្រី​ខូចគុណភាព និង​ធុំ​ក្លិនស្អុយ ។

៤.២ ការ​ផ្អាប់​ ​ ​ក្រោយពី​ប្រឡាក់​អំបិល​រួច ​ត្រូវ​បានដាក់​ចូលក្នុង​នៅ​បាត​អាង ឬ​ធុង​ផ្អាប់ ​ដែលមាន​ក្រាល​អំបិល​បន្ថែម​នៅ​បាត​ក្រោម និង​នៅ​ផ្នែក​ខាងលើ​ប្រហែល​កម្រាស់ ១០ ស​.​ម ថែមទៀត​ដែរ ដើម្បី​ការពារ​រុយ​ពង​ដាក់ ។ បន្ទាប់មក​គ្រប​បន្ទះ​កន្ទេល​ពីលើ រួចហើយ​ត្រូវយក​ឈើ ឬ​ឫស្សី​ខ្ទាស់​ពីលើ​ឲ្យ​ជាប់ ដើម្បី​សង្កត់​ត្រី​ធ្វើ​ឲ្យ​ត្រី​ហាប់ និង​ជៀសវាង​កុំ​ឲ្យ​ត្រី​អណ្តែត​នៅពេល​កំពុង​ផ្អាប់ ម្យ៉ាងទៀត​ជៀសវាង​កុំ​ឲ្យ​ទឹក​ឈាម​ចេញពី​ត្រី​ហូរ​ចេញមកក្រៅ ។ ក្រោយពី​ខ្ទាស់​សង្កត់​ត្រី​ធ្វើ​ឲ្យ​ត្រី​ហាប់​រួចហើយ ត្រូវ​ផ្អាប់​រយៈ ០១ ឆ្នាំ ទើប​ធ្វើ​ចលនា​បង្ហូរ ឬ​សម្រក់​វា ។​

៤.៣ ការ​ចលនា​បង្ហូរ​ទឹកត្រី​ដំបូង (​ទឹក​ឈាម​) ​ ​គេ​ចាប់ផ្តើម​បើក​បង្ហូរ​ទឹកត្រី​ដំបូង ឬ​ហៅថា​ទឹក​ឈាម​ឲ្យ​ហូរ​ចូលទៅក្នុង​កូន​អាង ឬ​ធុង​ស្តុក ហើយ​ត្រូវយក​វា​ទៅ​ដាក់​ក្នុង​អាង ឬ​ធុង​ផ្អាប់​ដើម​វិញ ចំពោះ​អ្នក​កែច្នៃ​ខ្លះ​ប្រើ​ម៉ាស៊ីន​បូម​ជំនួស​ការប្រើ​កម្លាំង​មនុស្ស ។ គេ​ធ្វើ​របៀបនេះ​ដដែលៗ រយៈ​ពេ​ល ៤ ទៅ ៥ ខែ ដោយ​ត្រូវ​ឧស្សាហ៍​ដួស​យក​ខ្លាញ់​ដែល​អណ្តែត​លើ​មាត់​អាង​ចេញ ហើយ​រៀងរាល់​រយៈពេល ០២ ខែម្តង គេ​លាង​សំអាត​កន្ទេល និង​ឈើ​ខ្ទាស់​ឲ្យ​បាន​ស្អាត ។ ពេលធ្វើ​ការបង្ហូរ​ចេញចូល​ទឹក​ឈាម គេ​ធ្វើការ​ត្រួតពិនិត្យ​កំហាប់​អំបិល​ដោយ​ប្រើ​វិធី​ដូចតទៅ​: ប្រសិនបើ​កំហាប់​អំបិល​ទាប​ទឹក​ឈាមមាន​ក្លិនឆ្អាប និង​មានទឹក​ពណ៌​លឿង សាច់​ត្រី​ហើម ហើយ​ធ្វើ​ឲ្យ​ដង្កូវ​លេចចេញ​ឡើង បើ​ឃើញ​ដូចនេះ​ត្រូវ​បន្ថែម​អំបិល ។ ពេលដែល​កំហាប់​អំបិល​ល្អ​ទឹក​ឈាមមាន​លក្ខណៈ​ក្រហម​ថ្លា ហើយ​សាច់​ត្រី​នៅ​រឹង​ហើយ​មិន​បែកបាក់​ទេ ។​

៤.៤ ការប្រមូល​ទឹកត្រី និង​ការរក្សា​ក្រោម​កំដៅ​ថ្ងៃ ​ ​ទឹកត្រី​លើក​ទី​១ ជា​ទឹកត្រី​ដែលមាន​គុណភាព​ខ្ពស់​ចាត់ទុកជា​មេទឹក​ត្រី ដែលជា​ទូទៅ​គេ​មិន​លក់​ទេ គេ​ប្រើ​វា​សម្រាប់​លាយ​ជាមួយ​ទឹកត្រី ដែល​ទទួលបាន​ពី​ការប្រមូល​នៅលើ​ក​ទី​២ នៅពេល​គេ​លាយ​ហើយ គេ​នឹង​បាន​ទឹកត្រី​ប្រភេទ​លេខ​១ ចំពោះ​ទឹកត្រី​ដែល​បានទទួល​មកពី​ការប្រមូល​លើក​ទី​៣ គេ​ប្រើ​សម្រាប់​ផលិត ទឹកត្រី​លេខ​២ និង​លេខ​បន្តបន្ទាប់​ទៀត​តាម​ការចង់បាន ។ គេ​ប្រើប្រាស់​វា​ដើម្បី​ធ្វើជា​ទឹកត្រី​លេខ​១ ។ បន្ទាប់ពី​បាន​បង្ហូរទឹក​ឈាម​អស់ហើយ គេ​ក៏​ត្រឡប់​កាក​ត្រី​ដែល​នៅសល់ រួច​លាយ​អំបិល​ជាមួយ​ទឹក ៣០ ភាគរយ បន្ថែមទៀត រួចហើយ​ធ្វើការ​បង្ហូរ​ត្រលប់​ចុះឡើង ដោយ​យក​ទឹកអំបិល​ចាក់​បន្ថែម ដើម្បី​ប្រមូលយក​ទឹកត្រី​ដែល​នៅសល់ ដែលជា​ទូទៅ​ប្រើ​ពេលធ្វើ​ចាប់ពី ១០ ថ្ងៃ រហូតដល់ ១ ខែ ។ គេ​ធ្វើ​របៀបនេះ​រហូតដល់​ទៅ ៥ លើក រហូត​ទាល់តែ​ទឹកត្រី ដែល​ហូរ​ចេញមក​នោះ​ថ្លា និង​មានតែ​ជាតិ​អំបិល ។​

ក្រោយពេល ​បញ្ចប់​ការប្រមូល​ទឹកត្រី​រួចរាល់​ទឹកត្រី ដែល​ប្រមូលបាន​ត្រូវដាក់​ក្នុង​ពាង ឬ​ធុង​រួច​យកទៅ​ហាលថ្ងៃ ដើម្បី​ឲ្យ​មាន​ក្លិន​ឈ្ងុយ និង​មាន​រសជាតិ ។ បន្ទាប់មក​ទឹកត្រី​ទាំងនេះ​គេ​យក​វា​ទៅ​ហាលថ្ងៃ ដើម្បី​ឲ្យ​មាន​ក្លិន​ឈ្ងុយ និង​មាន​រសជាតិ ដែល​អាច​ប្រព្រឹត្តទៅ​អស់​រយៈពេល​ពី ០១ ទៅ ០២ ខែ ។​

៤.៥ ការបន្ថែម​ពណ៌ និង​បង្កើន​រសជាតិ

​ភាគច្រើន​នៃ​ រោង​សិប្បកម្ម​ទឹកត្រី ប្រើប្រាស់​ប៊ីចេង (MSG) ស្ករ​កំលោច (Caramel) ដើម្បី​បន្ថែម​រសជាតិ​ទៅលើ​ទឹកត្រី ។ អ្នក​កែច្នៃ​ខ្លះ​ក៏​ប្រើប្រាស់​ខ្ទឹមស និង​រំដេង​ដើម្បី​បង្កើន​ក្លិន និង​រសជាតិ​ទឹកត្រី​ផងដែរ។ ការបន្ថែម​គ្រឿងផ្សំ​ទាំងនេះ​ត្រូវគោរព​ទៅតាម​កម្រិតស្តង់ដារ​ទឹកត្រី​ដែល​ បានអនុញ្ញាត​ឲ្យ​ប្រើ (​សូម​មើល​ឯកសារ ស្តង់ដារ​ទឹកត្រី​ដែល​ចេញផ្សាយ​ដោយ​នាយកដ្ឋាន​ស្តង់ដារ​នៃ​ក្រសួង​ ឧស្សាហកម្ម រ៉ែ និង​ថាមពល​) ។ ក្រោយពេល​បន្ថែម​ពណ៌ និង​បង្កើន​រសជាតិ​រួច​ទឹកត្រី​ត្រូវបាន​ច្រោះ​ដើម្បី​ឲ្យ​ថ្លា​ល្អ​មុនពេល​ ច្រក​ដប ។​

៤.៦ ការ​វេច​ខ្ចប់ និង​ដាក់​ស្លាក​សញ្ញា​

​ក្នុងការ​វេច ​ខ្ចប់​អាច​ប្រើ​ដប​កែវ ដប​ជ័រ និង​កា​ដុង​ជ័រ ​ដោយ​លាង​ឲ្យ​បាន​ស្អាត​ល្អ​ការពារ​រោគចម្លង​ផ្សេងៗ ។ ត្រូវ​មានប្រើ​ស្លាក​សញ្ញា​សំគាល់​លើ​ផលិតផល​ត្រឹមត្រូវ ដែលមាន​ស្លាក​សញ្ញា​ចេញ​បញ្ជា​ក់ដោយ​ក្រសួង​ឧស្សា​ហ៍ក​ម្ម រ៉ែ និង​ថាមពល ព្រមទាំង​មាន​បា​កូដ​ ដែល​ចេញ​ដោយ​សភាពាណិជ្ជកម្ម​កម្ពុ​ជាមុន​ដាក់លក់​នៅតាម​ទីផ្សារ​នានា ។ រូបភាព​លើ​ស្លាក​សញ្ញា​អាច​រៀបចំ​ធ្វើយ៉ាងណា​ទាក់ទាញ​ដល់​អ្នកប្រើប្រាស់​ ព្រមទាំង​មាន​បញ្ជាក់ ពី​ឈ្មោះ​ផលិតផល​ឈ្មោះ​ក្រុមហ៊ុន អាសយដ្ឋាន​ទំនាក់ទំនង​ច្បាស់លាស់ តារាង​បញ្ជាក់​សមាសភាគ​ផ្សំ និង​កម្រិត​អាហារូបត្ថម្ភ ព្រមទាំង​បញ្ជាក់​ពី​ថ្ងៃខែ​ ឆ្នាំ ​ផលិត និង​ផុតកំណត់​នៃ​ការប្រើប្រាស់ ។ ការបញ្ជាក់​អំពី​អនាម័យ​ល្អ ក្នុង​ការផលិត និង​គុណភាព​របស់​ផលិតផល គឺជា​ការសំខាន់​ដែល​ធានា​សុវត្ថិភាព និង​ទាក់ទាញ​ដល់​អ្នកប្រើប្រាស់ ។ សហគ្រាស ឬ​សិប្បកម្ម​កែច្នៃ​អាចដាក់​ពាក្យស្នើសុំ​វិ​ញ្ញាប​ន​ប័ត្រ​បញ្ជាក់​ពី​ ការអនុវត្ត​អនាម័យ​ល្អ​ក្នុង​ការផលិត ដែល​ចេញ​បញ្ជា​ក់ដោយ​នាយកដ្ឋាន​បច្ចេកវិទ្យា​កែច្នៃ និង​គុណភាព​របស់​រដ្ឋ​បាល​ជលផល​នៃ​ក្រសួងកសិកម្ម រុក្ខាប្រមាញ់ និង​នេសាទ ។​

ផលិតផល ​សម្រេច​ត្រូវ​រក្សា​ទុកដាក់​នៅ​ទីកន្លែង​មាន​អនាម័យ​ល្អ និង​មាន​សីតុណ្ហភាព​សមស្រប​ជាទូទៅ​អាច​រក្សាទុកនៅសីតុណ្ហភាព​ក្នុង​បន្ទប់ ​បាន ។​