ទឹកជ្រលក់កាពិបង្គា​

ទឹកជ្រលក់កាពិបង្គា​

Servings

5

Calories in serving

250

Prep

30 min

Cook

45 min

ទឹកកាពិគឺជាទឹកជ្រលក់​របស់ខ្មែរជាអាហារពេញនិយមក្នុងចំណោមប្រជាជនខ្មែរមួយចំនួនធំ វាមានក្លិនខ្លាំងបន្តិចប៉ុន្តែមានរសជាតិឆ្ងាញ់ ជាទូទៅគេច្រើនពិសារសម្រាបជ្រលក់បន្លែ ផ្លែឈើ សាច់និងត្រីជាដើម។

ទឹកកាពិ

ទឹកកាពិគឺទឹកជ្រលក់ពិសេសដែលជនជាតិខ្មែរចូលចិត្តពិសារ

ចំណាំ៖ កាពិធ្វើឡើងពីគីនិងអំបិល​បុក​លាយ​គ្នា​ផ្អាប់​ទុក​សម្រាប់​ផ្សំ​អាហារដែល​ប្រជាជន​ខ្មែរពិសារ​តាំង​ពី​ដូនតា​។ ជនជាតិខ្មែរ​ស្ទើរ​តែ​ទាំង​អស់មិនថានៅជនបទឬនៅទីក្រុងនូវតែនិយមបរិភោគកាពិប្រចាំថ្ងៃ​ជាពិសេសសម្រាប់ជ្រលក់ បន្លែនិងស្វាយជាដើម។

គ្រឿងផ្សំ

- ទឹកចំនួនកន្លះកែវតូច
- ស្ករសចំនួន១ស្លាបព្រា
- ទឹកមួយកែវចំនួន ១២០មល
- ក្រូចឆ្មារ ២ផ្លែ
- ស្កស ៥ ស្លាបព្រាកាហ្វ
- រំដេង ១ជ្រុងតូច(ប៉ុនកូនដៃ) បុកអោយម៉ត់
- ខ្ទឹមសបុកអោយម៉ត់ ២កំពិសធំ
- គល់ស្លឹកគ្រៃគ្រាមហាន់រួចឬដាក់ស្លឹកគ្រៃស្រស់ហាន់រួចក៏បាន ១ចានតូច
- សណ្ដែកដីលីងតិចឬច្រើនតាមចូលចិត្ត
- ម្ទេសហាន់ដាក់តាមការចូលចិត្ត

អន្លក់កាពិ

  • ស្ពៅក្តោប
  • ត្រសក់
  • សណ្តែកកួរ
  • ការ៉ុត
  • ចេកខ្ចី
  • ស្វាយ
  • ខ្វិត
  • បន្លែផ្សេងៗទៀតតាមចំណង់ចំណូលចិត្ត

របៀបធ្វើ

  1. លាយទឹកជាមួយស្ករក្នុងចាន រួចកូរឱ្យស៊ប់រហូតដល់រលាយអស់
  2. ដាក់កាពិ ខ្ទឹមស ក្រូចឆ្មានិងម្ទេសរួចកូរឱ្យស៊ប់ល្អ
  3. រោយម្ទេសស្រស់ហាន់រួច និង​សណ្តែកដីកិនជាការស្រេច
  4. ចំណាំ៖ សម្រាប់អ្នកចូលចិត្តផ្អែមអាចដាក់ស្ករថែម សម្រាប់អ្នកចូលចិត្តប្រៃថែមកាពិឱ្យច្រើនបន្តិចទៅតាមចំណង់ចំណូលចិត្ត។

កត់សម្គាល់

មានអ្នកខ្លះចូលចិត្តជ្រលក់បន្លែស្រស់ៗជាមួយទឹកកាពីដោយផ្ទាល់។ បន្លែស្រស់ដែលគេនិយមបរិភោគរួមមាន៖ ស្ពៃចិន ស្ពៃក្រញ៉ាញ់ ជីពងទាកូន ជីរណា ម្រះ ត្រសក់និង ចេកខ្ចីនិងបន្លែផ្សេងជាច្រើនមុខផ្សេងទៀត។

អ្នកខ្លះទៀតចូលចិត្តពិសារជាមួយស្វាយ ខ្វិត ចេក និងបន្លែស្រស់ផ្សេងៗទៀតដោយជ្រលក់ផ្ទាល់ជាមួយទឹកកាពិតែម្តង។

Share & Print

Favorite